Omongul Safarboyeva

Omongul Safarboyeva
Tavalludi	1925-yil Chimboy tumani, Qoraqalpogʻiston ASSR
Vafoti	Nomaʼlum
Fuqaroligi	SSSR
Kasbi	Qishloq xo'jaligi xodimi, paxtakor
Unvoni
Mukofotlari

Omongul Safarboyeva (1925-yil, Chimboy tumani, Qoraqalpogʻiston ASSR, Oʻzbekiston SSR, SSSR — ?) — paxtakor, Sotsialistik Mehnat Qahramoni (1957), KPSS a'zosi (1955).

Tarjimayi holi

Omongul Safarboyeva 1925-yili Chimboy tumanida tavallud topgan. Boshlangʻich taʼlimni olgandan soʻng, 1944—1952-yillarda Chimboy tumanidagi Q. Avazov nomli sovxozda ishchi, 1952—1959-yillari zveno boshligʻi, 1959—1960-yillarda „Chimboy“ (sobiq Molotov nomli) sovxozda boʻlim boshqaruvchisi, 1960—1962-yillarda brigada boshligʻi vazifasida ishlagan. 1963-yildan Q. Avazov nomli sovxozda boʻlim boshqaruvchisi. Omongul Safarboyeva boshliq zvenoda 12 gektar maydonning har gektaridan 48 sentner paxta hosili yetishtirilgan (1956). 4—5-chariqiq SSSR Oliy Soveti (1955—1962), 6—7-chaqiriq Qoraqalpogʻiston ASSR Oliy Soveti deputati etib saylangan.

Mukofotlari

• „Oʻroq va bolgʻa“ oltin medali (1957-yil 11-yanvar);
• Lenin ordeni (1957-yil 11-yanvar);
• Mehnat Qizil Bayroq ordeni (1973-yil 10-dekabr);
• Xalqlar doʻstligi ordeni (1981-yil 26-fevral);
• „Hurmat belgisi“ ordeni (1971-yil 8-aprel);
• „Mehnatda oʻrnak koʻrsatganlik uchun“ medali (1965-yil 1-mart);
• „Vladimir Ilich Lenin tugʻilgan kunning 100 yilligini nishonlash yuzasidan. Shavkatli mehnat uchun“ medali;
• „1941—1945-yillarda Ulugʻ Vatan urushidagi shavkatli mehnati uchun“ medali bilan taqdirlangan.

Adabiyotlar

• Oʻzbek Sovet Ensiklopediyasi, IX tom, Toshkent: OʻzSE Bosh redaksiyasi, 1977 — 656-bet.